భారత్ న్యూస్ వరంగల్ …చెక్కు బౌన్స్ అయితే జైలు శిక్ష తప్పదా? చట్టం ఏం చెబుతోంది?
డబ్బు లావాదేవీల్లో చెక్కుల వాడకం సర్వసాధారణం. అయితే చెక్కు బౌన్స్ అయితే అది చట్టపరమైన చిక్కులకు దారితీస్తుంది. భారతదేశంలో 1881 నాటి నెగోషియబుల్ ఇన్స్ట్రుమెంట్స్ చట్టంలోని సెక్షన్ 138 ప్రకారం తెలిసిగానీ లేదా నిర్లక్ష్యంగా గానీ బౌన్స్ అయ్యే చెక్కును జారీ చేస్తే అది నేరంగా పరిగణిస్తారు. నేరం రుజువైతే, గరిష్టంగా రెండేళ్ల జైలు శిక్ష లేదా చెక్ మొత్తానికి రెట్టింపు జరిమానా విధించవచ్చు. అయితే జైలు శిక్ష ఎల్లప్పుడూ విధించదు. చెక్కు బౌన్స్ అయినప్పుడు ముందుగా లీగల్ నోటీసులు పంపుతారు. నోటీసు అందిన 15 రోజుల్లోగా చెల్లింపు చేయకపోతేనే కోర్టుకు వెళ్తుంది. పదేపదే చెక్కులు బౌన్స్ చేసేవారిపై కోర్టు కఠిన వైఖరి అవలంబించవచ్చు.
