భారత్ న్యూస్ రాజమండ్రి…మిట్టల్ స్టీల్ ప్లాంట్ కు చంద్రబాబు నాయుడు గారు దురంధర్ అయితే, విశాఖ స్టీల్ ప్లాంట్ పట్ల కల్నాయక్. వైజాగ్ స్టీల్ ప్లాంట్ పై కేంద్ర రాష్ట్ర ప్రభుత్వాలది ఆపరేషన్ సైలెంట్ కిల్లింగ్. మిట్టల్ స్టీల్ ప్లాంట్పై తల్లి ప్రేమ చూపిస్తూ, విశాఖ స్టీల్పై సవతి తల్లి ప్రేమ చూపిస్తున్నారు. మిట్టల్ స్టీల్ కోసం భారీగా వరాలు ఇచ్చారు. రాష్ట్రానికి పరిశ్రమలు వస్తాయంటే ఎవరు కాదనరు. కానీ మిట్టల్ స్టీల్కు 25 వేల కోట్ల రాయితీలా ? 15 ఏళ్ల పాటు రాష్ట్ర వాటా కింద GST మినహాయింపులా? ఎలక్ట్రిసిటీ కింద యూనిట్కు 1 రూపాయి మాఫీనా?
ఛత్తీస్ గడ్ లోని బైలడిల్లాలో ఐరన్ ఓర్ కేటాయింపులు, రవాణాకు సొంత పోర్ట్ , పైప్ లైన్ కి అన్ని అనుమతులు , వైజాగ్ స్టీల్ ప్లాంట్ కెళ్లే నీళ్లను మళ్లింపులు. ప్రైవేట్ స్టీల్ ప్లాంట్పై ఇంత శ్రద్ధ ఉంది కానీ.. అదే ప్రేమ పబ్లిక్ సెక్టార్ ఇండస్ట్రీ పైన ఎందుకు లేదు? బైలడిల్లా నుంచి మిట్టల్ ప్లాంట్ కి ముడిసరుకు పంపిస్తే విశాఖ స్టీల్ పరిస్థితి ఏంటి ? విద్యుత్ సబ్సిడీలు, సొంత పోర్ట్ లు విశాఖ ఉక్కుకు వద్దా?
దాదాపు 35 వేల మంది ఉద్యోగాలు చేసే మన వైజాగ్ స్టీల్ ఫ్యాక్టరీపై ఎందుకు అంత చిన్న చూపు? విశాఖ ఉక్కుమీద ఇంకా ప్రైవేటీకరణ కత్తి వేలాడుతోంది. విశాఖ స్టీల్ ప్రైవేటీకరణ లేదు అని ఒక్కరంటే ఒక్కరు కూడా హామీ ఇవ్వలేదు.మిట్టల్ అంటే ఎందుకు మీకు అంత ప్రేమ? వైజాగ్ స్టీల్పై ఎందుకంత కోపం?కేంద్రంలో బీజేపీ వచ్చాక స్టీల్ ప్లాంట్ ప్రైవేటీకరణకు బీజం పడింది. విశాఖ స్టీల్ ప్లాంట్ను వెంటనే SAILలో విలీనం చేయండి. లేదంటే మిట్టల్కు కల్పించిన రాయితీలు మన స్టీల్ ప్లాంట్కూ కూడా ఇవ్వండి. తొలగించిన 17 వేల మందిని వెంటనే ఉద్యోగాల్లోకి తీసుకోండి.
