భారత్ న్యూస్ విజయవాడ…గంజాయి తరలిస్తున్న వ్యక్తులను అదుపులోనికి తీసుకొని 171.2 కిలోల గంజాయి చేసిన కృష్ణాజిల్లా పోలీసులు.
విలేకరుల సమావేశంలో కేసు పూర్వాపరాలను వివరించిన జిల్లా ఎస్పీ శ్రీ వి.విద్యాసాగర్ నాయుడు, ఐపీఎస్.,
క్రైమ్ న్యూస్ కృష్ణా :
ఆత్కూరు పోలీస్ స్టేషన్ పరిధిలో పట్టుకున్న గంజాయి కి సంబంధించి ఈరోజు జిల్లా ఎస్పీ శ్రీ వి.విద్యాసాగర్ నాయుడు, ఐపీఎస్., గారు జిల్లా పోలీస్ పెరేడ్ మైదానం నందు నిర్వహించిన విలేకరుల సమావేశంలో కేసు పూర్వాపరాలను వివరించారు. ఈ కార్యక్రమంలో అడిషనల్ ఎస్పీ అడ్మిన్ శ్రీ వివి నాయుడు గారు, అడిషనల్ ఎస్పి ఏ ఆర్ బి.సత్యనారాయణ గారు, గన్నవరం డిఎస్పి సిహెచ్ శ్రీనివాసరావు గారు ఇతర పోలీసు అధికారులు పాల్గొన్నారు.
జిల్లా వ్యాప్తంగా జిల్లా ఎస్పీ శ్రీ విద్యాసాగర్ నాయుడు ఐపీఎస్ గారి ఆదేశాల మేరకు గంజాయి, మాదకద్రవ్యాలు, మత్తు పదార్థాల వంటి వానవాళ్లు జిల్లాలో కనబడకుండా పటిష్ట చర్యలు చేపడుతున్నారు కృష్ణా జిల్లా పోలీసులు. అందులో భాగంగా ఎక్కడికక్కడ వాహన తనిఖీలు నిర్వహిస్తూ, గంజాయి రహిత జిల్లాగా మార్చేందుకు కృషి చేస్తున్నారు.
హనుమాన్ జంక్షన్ CI L. రమేష్ గారు మరియు ఆత్కూరు SI గారికి రాబడిన విశ్వసనీయ సమాచారం మేరకు ది 23-01-2026 తేదిన సుమారు రాత్రి 09.00 గంటలకు చిన్నవుటపల్లి, మధుఖాన్ కటింగ్ దగ్గరలో వాహనాలు తనిఖీ చేస్తూ ఉండగా ఇద్దరు వ్యక్తులు AP39UP 4715 Eicher వ్యాన్ ను చిన్నవుటపల్లి, మధుఖాన్ కటింగ్ సమీపానికి వచ్చుసరికి పోలీస్ వారిని చూసి వ్యాన్ ను మధుఖాన్ ఇండస్ట్రీస్ రోడ్ వైపుకి త్రిప్పుకుని పారిపోతూ ఉండడాన్ని వివాహన తనిఖీలు నిర్వహిస్తున్న ఎస్ఐ గారు సిబ్బంది గమనించారు.
SI గారు తన సిబ్బంది సహాయంతో ఇద్దరినీ పిన్నమనేని హాస్పిటల్ వెనుక వైపు, ఆదిత్య వెంచర్స్, గంగనమ్మ గుడి దగ్గరలో పట్టుకొని తనిఖీ చేసి వారివద్ద నుండి సుమారు 171.2 Kgs గంజాయిని, రెండు సెల్ ఫోన్ లు, Eicher వ్యాన్ ను స్వాధీనం చేసుకున్నారు.
ముద్దాయిల వివరాలు
1 . A1. హనుమంతు దుర్గా ప్రసాద్, A/38yrs, గాజువాక, విశాఖపట్నం
2 . A2. సయ్యద్ ముబారక్ @ బషీర్, A/36yrs, R/o కోలార్ నగరం & జిల్లా, కర్ణాటక
రవాణా చేస్తుందిలా
సదరు వాహనంలో తరలిస్తున్న గంజాయిని అనకాపల్లి నుండి ఒక వ్యక్తి వాహనంతో సహా, పై ముద్దాయిలకు ఇచ్చి కర్ణాటక రాష్ట్రంలో ఒక వ్యక్తి కి ఇవ్వండి, మీరు ఎక్కడ తనకి సరుకు అందజేయాలో తను ఫోన్ ద్వారా నిరంతరం పర్యవేక్షణ చేస్తూ ఉంటాడని చెప్పగా, ఆ విధంగా ముద్దాయిలు గంజాయి ఉన్న వాహనాన్ని తీసుకొని వస్తుండగా ఆత్కూరు పోలీసు వారు ఆ ఇద్దరు ముద్దాయిలను గంజాయితో సహా అరెస్టు చేసినారు.
ఈ సందర్భంగా ఎస్పీ గారు మాట్లాడుతూ
గంజాయి, మాదకద్రవ్యాలు, మత్తు పదార్థాల వంటివి యువత జీవితాలను నిర్వీర్యం చేయడమే కాక వారికి అందవలసిన బంగారు భవిష్యత్తును అందకుండా చేస్తుంది. కావున ఎవరికైన గంజాయి అక్రమ రవాణా, విక్రయాలు వంటి వాటికి సంబంధించిన సమాచారం తెలిస్తే వెంటనే సమీప పోలీస్ వారికి, ఈగల్ టీంకు సమాచారం అందిస్తే అందించిన వారి వివరాలను గోప్యంగా ఉంచడం జరుగుతుందని, ఇప్పుడు అదుపులోనికి తీసుకున్న ముద్దాయిలను విచారించి గంజాయి కి సంబంధించిన పూర్తి సమాచారాన్ని సేకరించి జిల్లాలో గంజాయి రవాణా, విక్రయలు వంటివి జరగకుండా చర్యలు తీసుకుంటామని తెలియజేశారు. అలాగే గంజాయి రవాణాకు సంబంధించి ఫార్వర్డ్, బ్యాక్ వార్డ్ లింక్ లను కూడా పూర్తిగా వెరిఫై చేయడం జరుగుతుందని తెలిపారు.
గంజాయిను తరలించే వారిని చాకచక్యంగా పట్టుకున్న గన్నవరం డిఎస్పి గారిని, హనుమాన్ జంక్షన్ ఇన్స్పెక్టర్ గారిని, ఆత్కూరు SI గారు , వారి సిబ్బందిని మరియు EAGLE TEAM CI M. రవీంద్ర గారు,వారి సిబ్బంది ని కృష్ణా జిల్లా SP శ్రీ. V. విద్యా సాగర్ నాయుడు IPS గారు అభినందించారు.
