భారత్ న్యూస్ విజయవాడ…తూర్పుగోదావరి జిల్లా ఎస్పీ గారు శ్రీ డి. నరసింహ కిషోర్ ఐ.పి.ఎస్., గారి ఉత్తర్వులు ప్రకారము, రాజమహేంద్రవరం ట్రాఫిక్ సి.ఐ శ్రీ ఎండి. అబ్దుల్ నబీ గారి సారధ్యంలో రాజమహేంద్రవరం పట్టణంలో, రోడ్ యాక్సిడెంట్లను తగ్గించాలని ఉద్దేశంతో రాజమహేంద్రవరం ట్రాఫిక్ పోలీస్ స్టేషన్ పరిధిలో, త్రాగి వాహనం నడుపుతున్న వాహనదారులకు డ్రంక్ అండ్ డ్రైవ్ నిర్వహించి 12 కేసులను బుక్ చేయడం జరిగింది.
వాహన తనిఖీలలో భాగంగా, తాగి వాహనం నడిపిన వాహనదారులకు గౌరవనీయమైన 3rd A. J. F. C. Magistrate, శ్రీమతి C. రమ్య గారు కోర్టులో మొత్తం 12 మందిపై డ్రంక అండ్ డ్రైవ్ కేసులకు శిక్ష విధించడం అయినది.
మొత్తం 07 మందికి ఒక్కొక్కరికి Rs-10,000/- చొప్పున Rs-70,000/- లు ఫైన్ విధించారు, ఒక్కరికి ఒక్క రోజు చొప్పున, ఇద్దరికి రెండు రోజులు, ఇద్దరికి మూడు రోజులు చొప్పున జైలు శిక్ష విధించారు.
ఈ సందర్భంగా జిల్లా ఎస్పీ గారు మాట్లాడుతూ… జిల్లాలో ప్రతిరోజు ఈ డ్రంక్ అండ్ డ్రైవ్ లు నిర్వహిస్తామని, మద్యం సేవించి వాహనాలు నడిపిన ఎడల వారిపై కేసులు నమోదు చేసి చట్ట ప్రకారం చర్యలు తీసుకుంటామని హెచ్చరించారు.
