భారత్ న్యూస్ తిరుపతి…ఓంకార రూపం ఫణిరాజ వేషం,
పలనిమల వాసం,
శ్రీ స్వామినాథం,
శ్రీదేవదేవం,
శ్రీవల్లినాధం,
శ్రీసుబ్రమణ్యం మనసాస్మరామి
శ్రీసుబ్రమణ్యం శిరసా నమామి…….!!
ముక్కోటి దేవతలలో ఒక ప్రత్యేకమైన స్థానాన్ని సంపాదించుకున్న దేవుడు సుబ్రమణ్య స్వామీ. మంచి సంతానం కావాలని , ఏదైనా దీర్ఘకాలిక చర్మ వ్యాధి బాధిస్తుంటే , అది త్వరగా నయం కావాలని , కోరునున్న వారితో వివాహం జరగాలని , వైవాహిక జీవితం ఆనందమయం గా సాగిపోవాలని ఎవరికి మాత్రం ఉండదు చెప్పండి ? ఈ కోరికలన్నీ తీరాలి , దీనికి ఏ భగవత్ స్వరూపాన్ని ఆరాధించాలి అని అడిగితె , పండితుల దగ్గరినుండి , ఇంట్లో పెద్దవారి వరకు , అందరు సూచించేది , సుబ్రమణ్య స్వామిని ఆరాదిన్చామనే . ప్రతీ మంగళవారం , సుబ్రమణ్య స్వామీ ఆలయాన్ని దర్శించి , దీపం వెలిగించి , మన కోరిక చెప్తే , ఆ స్వామీ తప్పక మన మోర ఆలకిస్తాడు అనేది అనాదిగా వస్తోన్న నమ్మకం . శివాలయం లో తప్పని సరిగా సుబ్రమణ్య స్వామీ ప్రతిమ అయినా ఉంటుంది . శివుని కుమారుడు , కుమారా స్వామీ ఇంకో అవతారం గా , తండ్రికే జ్ఞ్యాన బోధన చేసిన తనయుడిగా , సుబ్రమణ్య స్వామీ , ముక్కోటి దేవతలలో ఒక ప్రత్యేకమైన స్థానాన్ని సంపాదించుకున్నారు.
స్వామీ వారి ఆలయం ఇందాక చెప్పుకున్నట్లు గా , ప్రతీ శివాలయం లో తప్పని సరిగా ఉంటుంది . లేదా చిన్న ప్రతిమ అయినా ఉంటుంది . నాగెంద్రుడినే సుబ్రమణ్య స్వామీ గా భావించి పూజించమని కూడా కొందరు సూచిస్తారు . అయితే , సుబ్రమణ్య స్వామిని తమిళులు ప్రత్యేకంగా , తమ కుల దైవం గా , ఆరాధిస్తారు . అసలు మన రాష్ట్రం లో శివాలయాలు యెంత విరివిగా అయితే ఉన్నాయో , తమిళనాడు లో సుబ్రమణ్య స్వామీ ఆలయాలు కూడా అంతే . అన్నీ కాకపోయినా , ఈ ఆలయాల్లో ముఖ్యమైన వాటిని అన్వేషిద్దాం.
సముద్రం పక్కనే కొలువైన అతి ప్రాచీన సుబ్రమణ్యేశ్వరుని దేవాలయం తిరుచందూర్ లో ఉంది. సరన్ అనే రాక్షస రాజును సంహరించేందుకోసం స్వామివారు ఈ తిరుచందూర్ లో కొలువై నిలిచారట. తిరుచందూర్ లోని సుబ్రహ్మణ్యస్వామివారి విగ్రహం కూర్చుని ఉన్నట్టు ఉండడం ఆశ్చర్యకరం. ఎందుకంటె , సాధారణంగా , సుబ్రమణ్య స్వామీ నిలబడి ఉన్నట్టు గానే ప్రతిమ ఉంటుంది కాబట్టి .
ఇక తండ్రికే ఉపదేశం చేసిన తనయుడిగా సుబ్రమణ్య స్వామిని మనం అభివర్నిస్తాం కదా , మరి ఈ స్వామీ , సాక్ష్యాత్ ఆ పరమసివునికి గ్న్యానోపదేశం చేసిన ప్రదేశం ఎక్కడో తెలుసా ? కుంభకోణం . స్వామి మలై అని పిలిచే ఈ క్షేత్రంకు అత్యంత విశిష్టత ఉంది. తన తండ్రి అయిన పరమశివునికి సుబ్రమణ్యస్వామి జ్ఞానోపదేశము చేసిన ప్రదేశంగా ఈ స్వామిమలైని పేర్కొంటారు.
కేవలం తమిళనాడులోనే కాదు, మన ఆంద్ర ప్రదేశ్
లో కూడా , సుబ్రమణ్య స్వామీ ఆలయాలు కొలువుదీరి ఉన్నాయి . హైదరాబాద్ – సికందరాబాద్ ప్రాంతం లో ఉన్న ‘స్కందగిరీ’ అని పిలవబడే సుబ్రమణ్య స్వామీ ఆలయంలో ఇతర ఏ ఆలయానికీ తగ్గకుండా , స్వామీ వారిని పూజిస్తారు . ప్రత్యెక పూజలు సైతం నిర్వహిస్తారు .
ఇంకో అత్యంత విశిష్టత కలిగిన ఆలయం , తిరుమల క్షేత్రం వెంకటేశ్వర భక్తులకు యెంత ప్రత్యేకమో , సుబ్రమణ్య స్వామిని ఆరాధించే వారికి ఫళని అన్నా అంతే . తిరుమల తరహాలోనే పళవిలోనూ నిత్యం భక్తులు కిటకిటలాడుతుంటారు. కొండపై వెలసిన స్వామివారిని దర్శించుకోవాలంటే దాదాపు వెయ్యి మెట్లు ఎక్కాల్సి ఉంటుంది.
