శాంతి భద్రతల పరిరక్షణ, చట్ట వ్యతిరేక కార్యకలాపాల నిర్మూలన మరియు నేర నియంత్రణయే ప్రథమ కర్తవ్యంగా కార్డెన్ & సెర్చ్ ఆపరేషన్ లు…

భారత్ న్యూస్ డిజిటల్,అమరావతి:

శాంతి భద్రతల పరిరక్షణ, చట్ట వ్యతిరేక కార్యకలాపాల నిర్మూలన మరియు నేర నియంత్రణయే ప్రథమ కర్తవ్యంగా కార్డెన్ & సెర్చ్ ఆపరేషన్ లు…. //

పల్నాడు జిల్లా ఎస్పీ శ్రీ బి.కృష్ణారావు ఐపీఎస్ గారి ఆదేశాల మేరకు ఈ రోజు ఉదయం నరసరావు పేట సబ్ డివిజన్ శావల్యాపురం పోలీస్ స్టేషన్ పరిధిలోని సమస్యాత్మక గ్రామమైన కారుమంచి గ్రామం నందు నరసరావు పేట ఇంచార్జ్ DSP M. హనుమంతరావు మరియు గురజాల సబ్ డివిజన్ గురజాల పోలీస్ స్టేషన్ పరిధిలోని మాడుగుల గ్రామం SC కాలనీ నందు గురజాల గురజాల CI భాస్కర రావు గారి ఆధ్వర్యంలో శాంతి భద్రతల పరిరక్షణ చర్యలలో భాగంగా సంఘ వ్యతిరేక శక్తులు, అసాంఘిక కార్యకలాపాలకు పాల్పడే వ్యక్తులు, సామాన్య ప్రజలకు ఇబ్బందులకు గురి చేసే వారిని గుర్తించి ప్రజలకు మేమున్నాము అనే భరోసా కల్పిస్తూ కార్డెన్ అండ్ సెర్చ్ కార్యక్రమం చేపట్టడం జరిగింది.

ఈ కార్డెన్ & సెర్చ్ కార్యక్రమం నందు రౌడీ షీటర్లు,ట్రబుల్ మాంగర్స్,పాత కేసుల లోని నిందితులపై ప్రత్యేక నిఘా… ఇళ్లు, పరిసర ప్రాంతాలలో విస్తృత తనిఖీలు చేపట్టారు.

ఈ తనిఖీ లలో కారుమంచి గ్రామం లో సరైన పత్రాలు లేని 31 ద్విచక్ర వాహనాలు,
అక్రమంగా ఉంచిన మద్యం 07 క్వార్టర్లు
స్వాధీనం చేసుకోవడం జరిగింది.

 మాడుగుల గ్రామం నందు సరైన పత్రాలు లేని  ద్విచక్ర వాహనాలు - 42,

ఆటోలు – 09
కొడవళ్ళు – 07,
కలుపు కొడవళ్ళు – 02,
ఇనుపరాడ్లు – 05,
గడ్డ పారలు – 09
గొడ్డళ్లు – 04,
కత్తి – 01,
నాటు కర్రలు – 02 స్వాధీనం చేసుకున్నారు

🔰 ఫుట్ పెట్రోలింగ్ చేస్తూ గ్రామస్తులతో సమావేశం నిర్వహించి వివిధ అంశాలపై పోలీసు అధికారులు ప్రజలకు అవగాహన కల్పించడం జరిగింది.

🔰 అంతేకాకుండా… రౌడీషీటర్లు,ట్రబుల్ మాంగర్స్, అనుమానితులు మరియు పాత కేసుల లోని నిందితులపై ప్రత్యేక నిఘా ఏర్పాటు చేసినట్లు తెలిపారు.

🔰 పాత కేసుల నిందితుల తో సమావేశమై పాత పంథా కొనసాగించకుండా సత్ప్రవర్తనతో మెలగాలని సూచించారు.

🔰 గ్రామంలో అకారణంగా గొడవలు సృష్టిస్తే సహించేది లేదని, గ్రామంలో ఏ సమస్య ఉన్న పోలీసు వారి దృష్టికి తీసుకురావాలని, గొడవలు సృష్టించే వారి మీద కఠినమైన చర్యలు తీసుకుంటామని తెలిపారు.

🔰 కారుమంచి గ్రామం నందు జరిగిన కార్డన్ & సెర్చ్ కార్యక్రమంలో నరసరావు పేట ఇంచార్జి సబ్ డివిజన్ పోలీసు అధికారి (DSP) M. హనుమంతరావు గారితో పాటు సబ్ డివిజన్ లోని పోలీసు అధికారులు మరియు సిబ్బంది మొత్తం 70 మంది పాల్గొన్నారు.

    మాడుగుల గ్రామం నందు జరిగిన కార్డన్ & సెర్చ్ కార్యక్రమంలో గురజాల CI గారితో పాటు గురజాల సబ్ డివిజన్ పోలీస్ అధికారులు మరియు సిబ్బంది సిబ్బంది మొత్తం మొత్తం 37 పాల్గొన్నారు.