ఓపెన్ ఏఐ తాజాగా చాట్‌జీపీటీకి షాపింగ్ ఫీచర్ ని కూడా జోడించింది. ప్రొడక్ట్ ప్రైసెస్, ఫీచర్లు, రివ్యూల మధ్య పోల్చి చూసి నచ్చింది ఎంచుకునే వీలుగా ఈ ఫీచర్‌ను డిజైన్ చేశారు.
చాట్జీపీటీ యాప్ ద్వారా ఇకపై యూజర్లు నేరుగా షాపింగ్ చేసుకోవచ్చు. సెర్చ్ మోడ్‌కు ఈ ఫీచర్‌ను యాడ్ చేసింది. దీని ద్వారా కావాల్సినవి సెర్చ్ చేస్తే.. ఇందుకు సంబంధించిన వివరాలను చాట్జీపీటీ యూజర్ల ముందుంచుతుంది. షాపింగ్ మరింత ఈజీ చేసేందుకు ఈ ఫీచర్ ను తీసుకొచ్చినట్టు చాట్ జీపీటీ తెలిపింది. షాపింగ్ మరింత సులభతరం చేయడమే దీని ఉద్దేశం. నచ్చిన వస్తువులు సెర్చ్ చేయడంతో పాటు వాటిని కంపేర్ చేసి చూడటం, కొనుగోలు చేసుకోవచ్చు.
తాజాగా ప్రవేశపెట్టిన షాపింగ్ ఫీచర్‌తో వస్తువుల సెర్చి రిజల్ట్స్ మరింత మెరుగ్గా, విజువల్ డీటెయిల్స్‌తో, ప్రైస్, రివ్యూలు, కొనుగోలు చేసేందుకు అవసరమైన లింక్స్‌ కూడా అందుబాటులోకి వస్తాయని పేర్కొంది. ఇవి యాడ్ బేసిస్ కాదని నచ్చినదాన్ని ఎంపిక చేసుకునే వీలుంటుంది.
ఈ ఫీచర్‌ను క్రమంగా ఉచిత వినియోగదారులతో పాటు ప్లస్, ప్రో సబ్‌స్క్రిప్షన్‌ల వినియోగదారులకు అందుబాటులోకి తీసుకురానుంది. రాబోయే రోజుల్లో ఈ ఫీచర్ పూర్తిస్థాయిలో అందరికీ అందుబాటులోకి రావొచ్చు.
మరోవైపు వాట్సాప్‌లో చాట్జీపీటీ సెర్చ్ ఫీచర్లను కూడా ఓపెన్ ఏఐ అప్‌గ్రేడ్ చేసింది. యూజర్లు నేరుగా 1-800-ChatGPTకు మేసేజ్ చేస్తే లైవ్ స్కోర్లు, ఇతర తాజా సమాచారాన్ని పొందొచ్చు. సింగిల్ రెస్పాన్స్‌కు పలు సైటేషన్లు అందుబాటులోకి తెచ్చే విధంగా సెర్చ్ ఫీచర్‌ను తీసుకొస్తుంది. సైటేషన్స్‌లో ముఖ్యమైన అంశాలు స్పష్టంగా కనిపించేలా హైలైట్ ఫీచర్ కూడా ఉంది. వీటితో పాటు ట్రెండింగ్, ఆటోకంప్లీట్ సెర్చ్ లు కూడా సెర్చ్ ఆప్షన్‌కు యాడ్ అయి ఉంటాయి. గూగుల్ క్రోమ్‌ కొనుగోలుకు ఓపెన్ ఏఐ ఆసక్తి చూపిన కొద్దిరోజులకే సంస్థ కొత్త సెర్చ్ ఫీచర్లను అందుబాటులోకి తీసుకురానుంది.
