భారత్ న్యూస్ హైదరాబాద్….పాఠశాల సమీపంలో 20 కిలోల పేలుడు పదార్థాలు.. పోలీసుల అప్రమత్తం
ఉత్తరాఖండ్‌లో స్కూల్ సమీపంలో భారీగా జిలెటిన్ స్టిక్స్ లభ్యం
అల్మోరా జిల్లాలో 161 జిలెటిన్ స్టిక్స్ స్వాధీనం చేసుకున్న పోలీసులు
పొదల్లో ప్యాకెట్లను గమనించి సమాచారం ఇచ్చిన పాఠశాల ప్రిన్సిపాల్
తెలియని వ్యక్తులపై కేసు నమోదు చేసి దర్యాప్తునకు నాలుగు బృందాలు
ఉత్తరాఖండ్‌లోని ఓ పాఠశాల సమీపంలో భారీగా పేలుడు పదార్థాలు లభ్యం కావడం తీవ్ర కలకలం సృష్టించింది. అల్మోరా జిల్లా సుల్త్ ప్రాంతంలోని దబారా గ్రామంలో ఉన్న ప్రభుత్వ హయ్యర్ సెకండరీ స్కూల్ పక్కన పొదల్లో 161 జిలెటిన్ స్టిక్స్‌ను పోలీసులు స్వాధీనం చేసుకున్నారు. 20 కిలోలకు పైగా బరువున్న ఈ పేలుడు పదార్థాలు బయటపడటంతో పోలీసులు అప్రమత్తమయ్యారు.
పాఠశాల ప్రిన్సిపాల్ సుభాష్ సింగ్ మొదటగా పొదల్లో అనుమానాస్పద ప్యాకెట్లను గమనించి వెంటనే పోలీసులకు సమాచారం అందించారు. హుటాహుటిన రెండు పోలీసు బృందాలు అక్కడికి చేరుకుని ఆ ప్రాంతాన్ని తమ ఆధీనంలోకి తీసుకున్నాయి. ఉధమ్ సింగ్ నగర్, నైనిటాల్ జిల్లాల నుంచి బాంబ్ డిస్పోజల్ స్క్వాడ్, డాగ్ స్క్వాడ్‌లను కూడా రప్పించారు.
