భారత్ న్యూస్ విజయవాడ…Ammiraju Udaya Shankar.sharma News Editor…Pawan Kalyan: నా వాళ్లు అనుకుంటే ఇలా చేస్తారా..? ఫిల్మ్ ఇండస్ట్రీకి పవన్ డైరెక్ట్ వార్నింగ్
మిమ్మల్ని నావాళ్లు అనుకున్నా.. నన్ను మాత్రం పరాయివాడిగా చూస్తారా..? తెలుగు సినిమా నాది అనుకుంటే నా సినిమాకే ఎసరు పెడతారా..? ఇండస్ట్రీ నాకిచ్చిన రిటర్న్‌గిఫ్ట్‌కు చాలాచాలా థ్యాంక్స్. నా ఒరిజినల్ సినిమా ఎలా ఉంటుందో ఇకపై చూద్దురుగాని అంటూ చూపుడువేలితో హెచ్చరించారు ఏపీ డిప్యూటీ సీఎం ఉరఫ్ టాలీవుడ్ పవర్‌స్టార్. గాడితప్పిన ఇండస్ట్రీకి రిపేర్లు చెయ్యడానికి ప్రణాళికలు కూడా సిద్ధంగా ఉన్నట్టు చెప్పేశారు. టోటల్‌గా తెలుగు సినీ పరిశ్రమలో పవనిజమ్ కమింగ్‌సూన్‌.. అని సాలిడ్‌గా సంకేతాలే వచ్చేశాయ్.
థియేటర్ల బంద్ నిర్ణయం వెనుక అసలేం జరిగిందన్న అంశంపై విచారణకు ఆదేశించేదాకా వెళ్లింది ఏపీ సర్కార్. కానీ.. థియేటర్ల బంద్‌కీ, పవన్ సినిమాకూ లంకె పెట్టి ప్రభుత్వమే మాట్లాడ్డంపై విమర్శలు కూడా వెల్లువెత్తాయి. థియేటర్ల మూసివేత పర్యవసానాలు ఇక్కడితోనే ఆగలేదు. పవన్‌ని బిగ్‌స్క్రీన్ మీద చూసుకోవాలని తహతహలాడుతున్న ఫ్యాన్స్.. థియేటర్ల బంద్ నిర్ణయంతో నిరుత్సాహ పడిపోయారు. పవన్‌కి వ్యతిరేకంగా పరిశ్రమలో ఏదో జరుగుతోందన్న ఆందోళన కూడా కనిపించింది.
పవన్ సినిమాను అడ్డుకుంటే విధ్వంసాలకు సిద్ధమేనన్న జనసేన క్యాడర్ నుంచి ఇన్‌స్పిరేషన్ తీసుకున్నారో లేక.. సినిమా ఇండస్ట్రీ ధోరణిపై ముందటి నుంచి ఓ కన్నేసి ఉంచారో.. కారణం ఏదైతేనేం ఉగ్రరూపం దాల్చారు పవన్కల్యాణ్. తెలుగు సినీఇండస్ట్రీకి నేరుగా వార్నింగే ఇచ్చేశారు. హరిహర వీరమల్లు విడుదలను అడ్డుకోడానికే థియేటర్ల బంద్ అనే కుట్ర పన్నారని భావిస్తూ వస్తున్న పవన్కల్యాణ్.. తెలుగు సినిమా పరిశ్రమపై కన్నెర్ర చేశారు. నేను సినిమా రంగాన్ని ప్రోత్సహిస్తే.. మీరిచ్చే రిటర్న్‌ గిఫ్ట్‌ ఇదా? మీరిచ్చిన రిటర్న్‌ గిఫ్ట్‌కి తగ్గట్టుగానే నా ట్రీట్‌మెంట్ ఉంటుంది.. అంటూ పవన్ పేషీ నుంచి వచ్చిన సంచలన ప్రకటన.. పెద్ద ప్రకంపనలే రేపింది.
కూటమి పాలన మొదలై ఏడాది పూర్తయ్యినా, సినిమావాళ్లు ఎవరైనా సీఎంని మర్యాదపూర్వకంగా కలిశారా.. సినిమా రంగ అభివృద్ధికి పవన్ ప్రయత్నిస్తుంటే ఆయన సినిమాకే అడ్డంకులు సృష్టిస్తారా.. అని సూటిగా ప్రశ్నించింది పవన్ పేషీ. ఇకపై సినిమా వాళ్లతో ప్రభుత్వం వ్యక్తిగత చర్చలు జరపదు.. సినిమా సంఘాల ప్రతినిధులే చర్చలకు రావాలని హుకుం కూడా జారీ అయింది.
