భారత్ న్యూస్ రాజమండ్రి…9.75 లక్షల కోట్లు.. గడిచిన 11 ఏండ్లలో బ్యాంకులు రైటాఫ్ చేసిన రుణాలు
పేద, మధ్యతరగతికి చెందిన సామాన్య రుణగ్రహీతలు.. బ్యాంకుల నుంచి తీసుకున్న అరకొర అప్పుల్ని బాధ్యతగా చెల్లిస్తుంటే, వందలు-వేల కోట్ల రూపాయల్లో పొందిన లోన్లను ఎగవేసి దర్జాగా తిరుగుతున్నారు కార్పొరేట్ కేటుగాళ్లు.
బ్యాంకుల్లో రెడ్ కార్పెట్ పర్చిమరీ ఇచ్చిన బడా రుణాలన్నీ మొండి బకాయిలుగానే మారిపోతున్నాయి. చివరకు ఆ అప్పుల కుప్పల్ని రైటాఫ్ల పేరిట తొలగించి ఖాతా పుస్తకాలను క్లీన్ చేసుకుంటున్నారు.
2019-20లోనైతే అత్యధికంగా రూ.1.59 లక్షల కోట్ల రుణాలను బ్యాంకర్లు సాంకేతికంగా తమ ఖాతా పుస్తకాల నుంచి తీసేశాయని చెప్పారు. అంతకుముందు ఆర్థిక సంవత్సరం (2018-19)లోనూ లక్ష కోట్ల రూపాయలకుపైగా రుణాలు రైటాఫ్ అయినట్టు పేర్కొన్నారు. గత ఆర్థిక సంవత్సరం (2024-25)లో కూడా రూ.47,568 కోట్ల లోన్లను బ్యాంకులు రైటాఫ్ చేసినట్టు వెల్లడించారు.
2014-15లో రూ.31,723 కోట్లు, 2015-16లో రూ.40,416 కోట్లు, 2016-17లో రూ.68,308 కోట్లు, 2017-18లో రూ.99,132 కోట్ల లోన్లు రైటాఫ్ అయ్యాయని లిఖితపూర్వక సమాధానంగా లోక్సభకు వెల్లడించారు.
