భారత్ న్యూస్ నెల్లూరు….ఆంధ్రప్రదేశ్ ప్రభుత్వం భిక్షాటన నిషేధ చట్టంలో కీలక మార్పులు చేసింది. ‘లెప్పర్’, ‘ల్యూనాటిక్‌’ వంటి అభ్యంతరకర పదాలను తొలగించి, వాటి స్థానంలో ‘కుష్టు వ్యాధి సోకిన వ్యక్తి’, ‘మానసిక వ్యాధిగ్రస్థుడు’ అని చేర్చింది. ఈ మార్పులు గౌరవప్రదమైన భాషను ప్రోత్సహిస్తాయి. మరోవైపు, రాష్ట్రంలో భిక్షాటనను పూర్తిగా నిషేధిస్తూ ‘భిక్షాటన నివారణ (సవరణ) చట్టం- 2025’ను అధికారికంగా ప్రచురించింది. ఈ చట్టం ద్వారా నిరుపేదలకు పునరావాసం కల్పించి, గౌరవప్రదమైన జీవితాన్ని అందించాలని ప్రభుత్వం లక్ష్యంగా పెట్టుకుంది
