భారత్‌తో యుద్ధం వస్తే, ఆయుధాల విషయంలో గట్టిగా దిగులు పడుతోంది పాకిస్థాన్. ఇప్పుడు దాయాది దేశానికి శతఘ్ని గుండ్ల కొరత ఎందుకు వచ్చింది? యుద్ధం వస్తే నాలుగు రోజుల్లో ఆ దేశం దగ్గర గుండ్లు ఖాళీ అయిపోయే పరిస్థితి ఏర్పడింది. ఈ సమస్యకు కారణం ఏంటి? ఇప్పుడు అత్యవసరంగా పాకిస్థాన్ ఏం చేస్తోంది? భారత్ ఈ విషయంలో ఎందుకు సేఫ్ గా ఉంది..?
పాకిస్థాన్ ఇప్పుడు ఆయుధాల విషయంలో దిగులుతో కొట్టుమిట్టాడుతోంది. భారత్‌తో యుద్ధం వస్తే, వాళ్ల శతఘ్ని గుండ్లు కేవలం నాలుగు రోజులు మాత్రమే సరిపోతాయని అంటున్నారు. సైన్యం ఆర్టిలరీ గుండ్ల నిల్వలు దాదాపు ఖాళీ అయ్యాయి. భారత్ సైన్యం ఆయుధాలు, గుండ్ల తయారీలో బాగా ముందుంది. పాకిస్థాన్ గుండ్ల కొరతతో ఆపసోపాలు పడుతోంది. దీని వల్ల యుద్ధ సామర్థ్యం దాదాపు కోల్పోయినట్టే అంటున్నారు.
పాకిస్థాన్‌లో శతఘ్ని గుండ్ల కొరతకు ఆర్థిక ఇబ్బందులు కారణంగా కనిపిస్తోంది. ఆ దేశ ఆర్థిక స్థితి చాలా దిగజారిపోయింది. రూపాయి విలువ పడిపోవడంతో, గుండ్ల తయారీకి కావాల్సిన డబ్బు, ముడిసరుకు దొరకడం కష్టమైంది. పైగా ఉన్న గుండ్లను పాకిస్థాన్ అమ్మేసుకుంది. ఆర్డినెన్స్ ఫ్యాక్టరీలు పాత టెక్నాలజీతో నడుస్తున్నాయి. అవి యుద్ధ సమయంలో కావాల్సిన డిమాండ్‌ను తీర్చలేవు. భారత్ మాత్రం ఆధునిక టెక్నాలజీ, బలమైన ఆర్థిక స్థితితో ఆయుధ తయారీలో దూసుకుపోతోంది. పాకిస్థాన్ ఈ సమస్యతో ఇరుక్కుపోయింది.
పాకిస్థాన్ తన శతఘ్ని గుండ్లలో ఎక్కువ భాగం ఉక్రెయిన్‌కు అమ్మేసిందని చెబుతున్నారు. రష్యా-ఉక్రెయిన్ యుద్ధంలో ఉక్రెయిన్‌కు సాయం చేయడానికి 2022 నుంచి పాకిస్థాన్ లక్షలాది 155mm ఆర్టిలరీ షెల్స్ సరఫరా చేసింది. ఈ డీల్‌లో అమెరికా, నాటో దేశాల పాత్ర కూడా ఉందని అంటున్నారు. ఈ అమ్మకం వల్ల పాకిస్థాన్ గుండ్ల నిల్వలు బాగా తగ్గిపోయాయి. ఇప్పుడు భారత్‌తో యుద్ధం వస్తే, ఈ కొరత వాళ్లకు చుక్కలు చూపిస్తుంది. భారత్ మాత్రం తన ఆయుధ నిల్వలను ఎవరికీ అమ్మకుండా, దేశ భద్రత కోసం బలంగా ఉంచుకుంది.
పాకిస్థాన్ ఇప్పుడు తన ఫ్యాక్టరీల్లో శతఘ్ని గుండ్ల తయారీని వేగంగా చేయడానికి గట్టిగా ప్రయత్నిస్తోంది. పాకిస్థాన్ ఫ్యాక్టరీలు పాతవి.. కావాల్సినంత గుండ్లను వేగంగా తయారు చేయలేవు. పైగా పాక్ చాలా ఆర్థిక ఇబ్బందుల్లో ఉంది. గుండ్ల డిమాండ్‌ను తీర్చడం వాళ్లకు కష్టంతో కూడుకున్న పని. చైనాను సహాయం కోరదామన్న ఎదో తిరకాసు పెడుతుందనే భయం పాకిస్థాన్ కు ఉంది. దీంతో పాక్ సైన్యానికి ఇప్పుడు ఏం చేయాలో అర్థం కావడం లేదు. ఓ పక్క భారత్ అన్ని విధాలుగా అశ్త్రశస్తాలను సిద్ధం చేసుకుంటుంటే.. పాకిస్థాన్ మాత్రం తన వద్ద ఉన్న కొద్దోగొప్పో ఆయుధాలను చూపించుకుని బెదిరించాలని ప్రయత్నిస్తోంది.
ఇటు భారత్ ఆయుధాల తయారీలో స్పీడ్ పెంచింది. డిఫెన్స్ రీసెర్చ్ అండ్ డెవలప్‌మెంట్ ఆర్గనైజేషన్, ప్రైవేట్ కంపెనీలు ఆధునిక టెక్నాలజీతో 155mm ఆర్టిలరీ షెల్స్, రాకెట్‌లు, గైడెడ్ మిసైల్స్‌ను వేగంగా తయారు చేస్తున్నాయి. ఆర్డినెన్స్ ఫ్యాక్టరీలు గత మూడేళ్లలో ఆయుధ నిల్వలను రెట్టింపు చేశాయి. దీని వల్ల యుద్ధం వచ్చినా దీటుగా సమాధానం చెప్పే స్థానంలో భారత్ ఉంది. పాకిస్థాన్ మాత్రం ఈ విషయంలో భారత్‌తో పోటీ పడలేని స్థితిలో ఉంది.
భారత్ సైనిక శక్తి ఇప్పుడు పాకిస్థాన్‌తో పోలిస్తే బాగా బలంగా ఉంది. రఫేల్ యుద్ధ విమానాలు, అగ్ని-5 మిసైల్స్, బ్రహ్మోస్ రాకెట్‌లు, ఆధునిక ఆర్టిలరీ గన్స్‌తో సైన్యం యుద్ధ సన్నాహాల్లో ముందుంది. సైనిక బడ్జెట్‌ను గత ఐదేళ్లలో 30% పెంచారు. ఇది ఆయుధాలు, గుండ్ల తయారీకి గట్టి పుష్ ఇచ్చింది. పాకిస్థాన్ ఆర్థిక సమస్యలు, గుండ్ల కొరత వల్ల యుద్ధం వస్తే భారత్ ముందు నిలబడలేని స్థితిలో ఉంది.
భారత్‌తో యుద్ధం వస్తే, పాకిస్థాన్ ఆయుధాల కొరతతో ఆపసోపాలు పడే అవకాశం ఉంది. భారత్ మాత్రం ఆధునిక టెక్నాలజీ, ఆర్థిక బలం, గట్టి సైనిక సన్నాహాలతో యుద్ధంలో పైచేయి సాధిస్తుంది. పాకిస్థాన్ ఈ సమస్యల నుంచి బయటపడే అవకాశం లేదు.
