రక్షణ రంగానికి సంబంధించి భారత్ ఒక పెద్ద నిర్ణయం తీసుకుంది. 26 రఫెల్ మెరైన్ యుద్ధ విమానాలను కొనుగోలు చేసేందుకు ఫ్రాన్స్ తో రూ. 63,000 కోట్ల ఒప్పందానికి కేబినెట్ కమిటీ ఆన్ సెక్యూరిటీ ఆమోదం తెలిపింది. 22 సింగిల్-సీటర్, 4 ట్విన్-సీటర్ విమానాలు ఫ్రాన్స్ నుంచి భారత్ కొనుగోలు చేయనుంది. ఈ విమానాలు 2029 నుంచి డెలివరీ అవుతాయని అంచనా.
ఈ రఫెల్ మెరైన్ విమానాలను ఎక్కడ మోహరిస్తారు? ఇవి భారత నౌకాదళం కోసం కొనుగోలు చేస్తున్న యుద్ధవిమానాలు. ఐఎన్ఎస్ విక్రాంత్, ఐఎన్ఎస్ విక్రమాదిత్య ఎయిర్ క్రాఫ్ట్ కారీయర్ నౌకలపై ఈ విమానాలను మోహిరిస్తారు. ప్రస్తుతం నౌకాదళంలో ఉన్న మిగ్-29కె విమానాల స్థానాన్ని ఇవి భర్తీ చేస్తాయి. ఈ విమానాలు సముద్రంలో దాడి సామర్థ్యాన్ని భారత్ కు పెంచుతాయి.
భారత్ రక్షణ రంగంలో ఈ ఒప్పందం ఒక మైలురాయి. చైనా, పాకిస్తాన్ లాంటి దేశాల నుంచి సముద్ర మార్గంలో వచ్చే ముప్పును ఎదుర్కోవడానికి ఈ విమానాలు కీలకం. రఫెల్ మెరైన్ విమానాలు 4.5 జనరేషన్ టెక్నాలజీతో రూపొందినవి. ఇవి ఎయిర్-టు-ఎయిర్, ఎయిర్-టు-సీ దాడుల్లో శక్తివంతమైనవి. ఈ డీల్ భారత్-ఫ్రాన్స్ రక్షణ సంబంధాలను బలపరుస్తుంది.
భారత్ యుద్ధ విమానాల సామర్థ్యం ఏంటి? భారత వైమానిక దళంలో ప్రస్తుతం 36 రఫెల్ విమానాలు అంబాలా, హషీమారా బేస్ లలో ఉన్నాయి. ఇవి గతంలో ఫ్రాన్స్ నుంచి కొనుగోలు చేసినవి. ఇంకా సుఖోయ్-30 ఎంకేఐ, మిగ్-29, మిరాజ్-2000, తేజస్ లాంటి విమానాలు ఉన్నాయి. ఈ విమానాలు వివిధ రకాల దాడులకు సిద్ధంగా ఉంటాయి.
భారత్ లో ఉన్న యుద్ధ విమానాల్లో అత్యంత శక్తివంతమైనది ఏది? రఫెల్ విమానాలు ప్రస్తుతం అత్యంత ఆధునికమైనవి. ఇవి మీటియోర్ ఎయిర్-టు-ఎయిర్ మిసైల్స్, స్కాల్ప్ క్రూయిజ్ మిసైల్స్ తో అమర్చబడి ఉంటాయి. రఫెల్ రాడార్, సెన్సార్ సిస్టమ్స్ లాంగ్ రేంజ్ దాడులకు అనువైనవి. సుఖోయ్-30 కూడా బలమైనదే అయినా.. రఫెల్ టెక్నాలజీలో ముందంజలో ఉంది. ఈ 26 రఫెల్ మెరైన్ విమానాలు భారత్ రక్షణ వ్యవస్థలో కొత్త అధ్యాయం. ఇవి సముద్ర, గగన తలంలో శత్రువులను ఎదుర్కొనే శక్తిని ఇస్తాయి. భారత్ ఇప్పటికే 36 రఫెల్ విమానాలు భారత వాయుసేనలో ఉన్నాయి. ఇప్పుడు నౌకాదళం కూడా ఈ బలాన్ని పొందుతోంది. ఈ నిర్ణయం భవిష్యత్ రక్షణ వ్యూహాలకు ఎలా దోహదపడుతుందో చూడాలి.
